அதர்வா பட போஸ்டரை வெளியிட்ட சிவகார்த்திகேயன்! 

சென்னை: 'ஜெயம் கொண்டான்' திரைப்பட இயக்குனர் கண்ணனுடன் நடிகர் அதர்வா முதன்முறையாக இணையும் 'பூமராங்' பட போஸ்டரை நடிகர் சிவகார்த்திகேயன் வெளியிட்டார்.

'ஜெயம் கொண்டான்' திரைப்பட இயக்குனர் கண்ணன் இயக்கத்தில் அதர்வா நடிக்கவுள்ள படத்திற்கு 'பூமராங்' என்று பெயரிட்டுள்ளனர். 'பூமராங்' இப்படத்தில் மேகா ஆகாஷ், சுஹாசினி மணிரத்னம், சதீஷ், ஆர்.ஜே.பாலாஜி, உபன் படேல் ஆகியோர் நடிக்க ஒப்பந்தம் செய்யப்பட்டுள்ளனர்.

இயக்குநர் கண்ணனின் சொந்த தயாரிப்பு நிறுவனமான 'மசாலா பிக்ஸ்' மற்றும் எம்.கே.ஆர்.பி நிறுவனமும் இணைந்து இப்படத்தினை தயாரிகிறார்கள். இசையமைப்பாளராக 'அர்ஜுன் ரெட்டி' திரைப்பட இசையமைப்பாளர் ரதன், ஒளிப்பதிவாளராக பிரசன்னா, எடிட்டராக ஆர்.கே.செல்வா உள்ளிட்ட தொழில்நுட்ப கலைஞர்கள் ஒப்பந்தம் செய்யப்பட்டுள்ளார்கள்.  சென்னையில் இப்படத்தின் படப்பிடிப்பு தொடங்கப்பட்டுள்ளது.

இந்நிலையில் இப்படத்தின் தலைப்பு அடங்கிய போஸ்டரை நடிகர் சிவகார்த்திகேயன் தனது ட்விட்டர் பக்கத்தில் வெளியிட்டார்.