நடிகை சாவித்ரியின் வாழ்க்கை வரலாறு, தமிழில் நடிகையர் திலகம் என்கிற பெயரிலும் தெலுங்கில் மகாநதி என்கிற பெயரிலும் உருவாக்கப்பட்டுள்ளது. நாக் அஸ்வின் இயக்கியுள்ள இந்தப் படத்தில் சாவித்ரி வேடத்தில் கீர்த்தி சுரேஷ் நடித்துள்ளார். ஜெமினி கணேசனாக துல்கர் சல்மானும் பத்திரிகையாளராக சமந்தாவும் நடித்துள்ளார்கள்.
இந்தப் படம் நேற்று வெளியானது. இதையடுத்து கமல் ஹாசனை நேரில் சந்தித்து வாழ்த்துகளைப் பெற்றார் நடிகை கீர்த்தி சுரேஷ். இதுகுறித்து ட்விட்டரில் கீர்த்தி சுரேஷ் கூறியதாவது:
நடிகையர் திலகம் படம் வெளியானதை முன்னிட்டு கமல் ஹாசன் சாரை நேரில் சந்தித்து வாழ்த்து பெற்றது என் அதிர்ஷ்டம். மகிழ்ச்சியாக உள்ளது. நன்றி சார் என்று கூறியுள்ளார்.