அட! ஜீ தமிழில் வெளியாகவுள்ள ரஜினி பேட்டி!

தனது படங்கள் வெளிவரும்போது அதன் விளம்பரத்துக்காக பேட்டி கொடுப்பதில் அதிக ஆர்வம் காட்டாதவர் ரஜினி. அதிலும் தொலைக்காட்சிப் பேட்டிகளில் அரிதாகவே அவரைக் காணமுடியும். இந்நிலையில் நவம்பர் 29 அன்று ஷங்கர் இயக்கத்தில் ரஜினி நடித்துள்ள 2.0 படம் வெளிவருகிற நிலையில் தீபாவளித் தினத்தன்று ரஜினியின் பேட்டி ஜீ தமிழ் தொலைக்காட்சியில் ஒளிபரப்பாகவுள்ளது. 

நவம்பர் 6 அன்று மதியம் 3 மணிக்குப் பேட்டி ஒளிபரப்பாகவுள்ளது. 2.0 படத்தின் தொலைக்காட்சி உரிமத்தை ஜீ தொலைக்காட்சி பெற்றுள்ளது. தமிழ், தெலுங்கு, ஹிந்தி என மூன்று மொழிகளின் 2.0 தொலைக்காட்சி உரிமம், ரூ. 110 கோடிக்கு வியாபாரம் ஆகியுள்ளது. மேலும் 15 வருடக் காலத்துக்கு மட்டுமே இந்த உரிமம் வழங்கப்பட்டுள்ளது.  இதையடுத்து ஜீ தொலைக்காட்சிக்கு மட்டும் பேட்டியளிக்கச் சம்மதித்துள்ளார் ரஜினி.