கமல் நடித்த பாபநாசம் படத்துக்கு அடுத்ததாக கார்த்தி கதாநாயகனாக நடிக்கும் படத்தை இயக்குகிறார் மலையாள இயக்குநர் ஜீத்து ஜோசப். 

இந்தப் படத்தில் கார்த்தியின் அக்காவாக நடிக்கிறார் ஜோதிகா. கார்த்தியும் ஜோதிகாவும் ஒன்றாக நடிப்பது இதுவே முதல்முறை.  கார்த்தியின் தந்தையாக சத்யராஜ் நடிக்கவுள்ளார்.

2007-ல் டிடெக்டிவ் என்கிற படத்தை முதலில் இயக்கினார் ஜீத்து ஜோசப். கடந்த வருடம் இவர் இயக்கத்தில் பாடி என்றொரு மலையாளப் படம் வெளியானது. இவர் இயக்கும் இரண்டாவது தமிழ்ப் படம் இது. 

தேவ் படத்துக்குப் பிறகு கைதி என்றொரு படத்தில் நடித்துள்ளார் கார்த்தி. அடுத்ததாக ரெமோ பட இயக்குநரின் படத்திலும் நடிக்கவுள்ளார். மேலும் மணி ரத்னம் இயக்கவுள்ள பொன்னியின் செல்வன் படத்திலும் இவர் இடம்பெற்றுள்ளார்.