நயன்தாரா ஆர்.ஜே.பாலாஜி இயக்கும் "மூக்குத்தி அம்மன்' படத்தில் அம்மன் வேடத்தில் நடிக்கிறார். இதற்காக தீவிர விரதம் மேற்கொண்டு வருகிறார். அடுத்து அவரது நடிப்பில் "நெற்றிக்கண்' படம் உருவாகிறது. 

இந்தப் படத்தை அவரது காதலரும் இயக்குநருமான விக்னேஷ் சிவன் தயாரிக்கிறார். இந்தப் படத்தை மிலிந்த் ராவ் இயக்குகிறார். இவர் சித்தார்த், ஆண்ட்ரியா நடித்த "அவள்' படத்தை இயக்கியவர். கொரியா படமான "பிளைண்ட்' படத்தைத் தழுவி "நெற்றிக்கண்' உருவாகிறது. பெண் போலீஸ் அதிகாரி ஒருவர் வழக்கு ஒன்றினை விசாரித்து வருகிறார்.

திடீரென விபத்தில் சிக்கும் அவர் பார்வையை இழக்கிறார். தொடர்ந்து அந்த வழக்கை அவர் எப்படி முடிக்கிறார் என்பதை விறுவிறுப்பாகச் சொல்லும் க்ரைம் திரில்லர் படமாக உருவாகிறது. இதே படம் ஹிந்தியிலும் ரீமேக் ஆக உள்ளது. நயன்தாரா வேடத்தில் சோனம் கபூர் நடிக்கிறார்.