மார்ச் மாதத்தின் தொடக்க நாளன்று 8 தமிழ்ப் படங்கள் வெளிவரத் தயாராகியுள்ளன.

அருண் விஜய் நடித்த தடம், ஓவியா நடித்த 90 எம்எல், சேரன் இயக்கியுள்ள திருமணம், சாரு ஹாசன் நடித்துள்ள தாதா87, விளம்பரம், மானசி, பிரிவதில்லை, அடடே என 8 தமிழ்ப் படங்கள் மார்ச் 1 அன்று வெளிவரவுள்ளன.

இந்த 8 படங்களில் முதல் நாளன்று ஓவியா நடித்த 90 எம். எல். படத்துக்கு அதிக எதிர்பார்ப்பு உருவாகியுள்ளது. அனிதா உதீப் இயக்கத்தில் ஓவியா நடித்துள்ள படம் 90 எம்.எல். படம் இரட்டை அர்த்த வசனங்களைக் கொண்டுள்ளதால் தணிக்கையில் ஏ சான்றிதழ் பெற்றுள்ளது. இசை - சிம்பு. இயக்குநர் அனிதா உதீப், இதற்கு முன்பு குளிர் 100 டிகிரி படத்தை இயக்கியுள்ளார். பிக் பாஸ் நிகழ்ச்சியில் புகழ்பெற்ற பிறகு ஓவியா நடித்து வெளியாகும் படம் மற்றும் இரட்டை அர்த்த வசனங்கள் போன்ற காரணங்களால் இப்படத்துக்கு அதிகக் கவனம் கிடைத்துள்ளது.