சென்னை: பிறந்தநாளை முன்னிட்டு துரை செந்தில்குமார் இயக்கத்தில் தனுஷ் நடிக்கும் புதிய படத்தின்  'முதல் பார்வை' வெளியிடப்பட்டுள்ளது.

'எதிர் நீச்சல்' மற்றும் 'கொடி' படங்களின்  இயக்குநர் துரை செந்தில்குமார் இயக்கி கொண்டிருக்கும் புதிய படத்தில் தனுஷ் ஹீரோவாக நடித்து கொண்டிருக்கிறார். இந்தப் படத்தில் தனுஷூக்கு இரட்டை வேடம் என்று தகவல்கள் வெளியாகின.

சத்யஜோதி பிலிம்ஸ் சார்பாக தியாகராஜன் தயாரிக்கும் இந்த படத்தில் ஒளிப்பதிவாளராக ஓம் பிரகாஷ் மற்றும் இசையமைப்பாளராக விவேக் மெர்வின் பணிபுரிகின்றனர்.  

படத்தில் ஒரு ஹீரோயினாக நடிகை சினேகா ஒப்பந்தம் செய்யப்பட்டுள்ளார். இன்னொரு கதாநாயகி யார் என்று தெரியவில்லலை. இந்தப் படத்தில் திருடன் கதாபாத்திரத்தில் தனுஷ் நடிப்பதாகவும் உறுதி செய்யப்படாத தகவல்கள் வெளியாகின.

இந்நிலையில் பிறந்தநாளை முன்னிட்டு துரை செந்தில்குமார் இயக்கத்தில் தனுஷ் நடிக்கும் புதிய படத்தின்  'முதல் பார்வை' ஞாயிறு மாலை வெளியிடப்பட்டுள்ளது.

நடிகர் தனுஷ் தனது ட்விட்டர் பக்கத்தில் இதனை வெளியிட்டுள்ளார்.