மலையாளக் கரையோர நடிகை மஞ்சு வாரியர்

நடிகா் திலீப், மஞ்சுவாரியா் காதலித்துத் திருமணம் செய்தனா். இவா்களுக்கு மீனாட்சி என்ற மகள் இருக்கிறார். கருத்து வேறுபாடு காரணமாக திலீப், மஞ்சுவாரியா் முறைப்படி விவாகரத்து செய்தனா். அதுபோல் நடிகை காவ்யா மாதவன், நிஷால் சந்திரா என்பவரை மணந்தார். இவா்களும் ஒரு வருடத்தில் விவாகரத்து பெற்று பிரிந்தனா்.

இந்நிலையில் திலீப், காவ்யா மாதவன் இருவரும் கடந்த 2016-ஆம் ஆண்டு திருமணம் செய்து கொண்டனா். அவா்களுக்கு சென்ற வருடம் பெண் குழந்தை பிறந்தது. ஆனால் குழந்தையின் முகத்தை கடந்த ஒரு வருடமாக வெளியே காட்டாமல் இருந்தனா்.

ஒரு வருடம் முடிந்த நிலையில் குழந்தைக்குப் பிறந்த நாள் கொண்டாடினா். இதையடுத்து முதன்முறையாக குடும்பத்துடன் குழந்தையின் புகைப்படத்தை திலீப் இணையத்தில் பகிர்ந்தார்.

மலையாள நட்சத்திரமாக இருந்தாலும் நடிகா் திலீப் தமிழில் விஜயகாந்த் நடித்த ‘ராஜ்ஜியம்’ படத்தில் நடித்திருக்கிறார். அதேபோல் ‘காசி’, ‘என் மன வானில்’ படங்களில் நடிகை காவ்யா மாதவனும், முதன்முறையாக தமிழில் ‘அசுரன்’ படம் மூலம் மஞ்சு வாரியரும் நடித்துள்ளனா்.