தேசிய விருது பெற்றவர், பிரபல பாலிவுட் நடிகர் அர்ஜுன் ராம்பால். 1998-ல் முன்னாள் மிஸ் இந்தியா மெஹ்ர் ஜெசியாவைக் காதலித்துத் திருமணம் செய்தார். இவர்களுக்கு இரு பெண் குழந்தைகள் உண்டு. எனினும், கருத்துவேறுபாடுகள் காரணமாக இருவரும் பிரிந்து வாழ்வதாக 2018 மே மாதம் அறிவித்தார்கள். 

பிறகு, பரஸ்பர ஒப்புதல் அடிப்படையில் விவாகரத்து கோரி மும்பை பாந்த்ரா குடும்பநல நீதிமன்றத்தில் அர்ஜுன் ராம்பால் - மெஹ்ர் ஆகிய இருவரும் ஏப்ரல் மாதம் மனுத் தாக்கல் செய்திருந்தனா். இருதரப்பு ஆவணங்களை ஆராய்ந்த நீதிமன்றம், அவா்களுக்குத் தற்போது விவாகரத்து வழங்கியுள்ளது. இரு மகள்களும் மெஹ்ர் ஜெசியாவிடவும் வளரவுள்ளார்கள். இதையடுத்து, 21 வருட திருமண பந்தம் முடிவுக்கு வந்துள்ளது.

அர்ஜுன் ராம்பால் தற்போது தென் ஆப்பிரிக்க மாடல் கேப்ரியல்லாவைக் காதலித்து வருகிறார். கடந்த ஜூலை மாதம் கேப்ரியல்லாவுக்கு ஆரிக் என்கிற மகன் பிறந்தார். விவாகரத்து குறித்து அர்ஜுன் ராம்பால் கருத்து எதுவும் கூற மறுத்துவிட்டார்.