விக்ரம் படத்தின் படப்பிடிப்பு இந்த வாரம் முதல் தொடக்கம்!

டிமாண்டி காலனி, இமைக்கா நொடிகள் படங்களுக்கு அடுத்ததாக விக்ரம் நடிக்கும் படத்தை இயக்குகிறார் அஜய் ஞானமுத்து.

விக்ரம் - அஜய் ஞானமுத்து கூட்டணியில் உருவாகும் படத்தின் படப்பிடிப்பு இந்த வாரம் வெள்ளி முதல் தொடங்கவுள்ளது. 

விஜய் நடிக்கும் பிகில், சிவகார்த்திகேயன் படம் ஆகிய இரு தமிழ்ப் படங்களுக்குத் தற்போது இசையமைத்து வரும் ஏ.ஆர். ரஹ்மான், விக்ரம் - அஜய் ஞானமுத்து நடிக்கும் படத்துக்கும் இசையமைக்கிறார். இதுதவிர மணி ரத்னம் இயக்கவுள்ள பொன்னியின் செல்வன், கமல் நடித்து இயக்கும் தலைவன் இருக்கின்றான் ஆகிய படங்களும் அவர் இசையமைக்கவுள்ளார்.

அஜய் ஞானமுத்து இயக்கத்தில் விக்ரம் நடிக்கும் இந்தப் படம் அடுத்த வருட ஏப்ரல் மாதம் வெளியாகவுள்ளது.