நவம்பர் 7 அன்று தர்பார் பட தீம் இசை: அனிருத் தகவல்

சர்கார் படத்தையடுத்து ரஜினி நடிக்கும் தர்பார் படத்தை ஏ.ஆர். முருகதாஸ் இயக்கி வருகிறார். இந்தப் படத்துக்கு ஒளிப்பதிவு - சந்தோஷ் சிவன். இசை - அனிருத். இது ரஜினி நடிக்கும் 167-வது படம்.

லைகா நிறுவனம் தயாரித்து வரும் இந்தப் படம் அடுத்த வருடப் பொங்கல் தினத்தன்று வெளியாகும் என அதிகாரபூர்வமாக அறிவிக்கப்பட்டுள்ளது. ரஜினியின் ஜோடி - நயன்தாரா. இந்தப் படத்தில் காவல் அதிகாரியாக நடித்து வருகிறார் ரஜினி. தர்பார் படத்தின் வில்லனாக பாலிவுட் நடிகர் பிரதீக் பப்பர் நடிக்கிறார்.

இந்நிலையில் நவம்பர் 7 அன்று தர்பார் படத்தின் தீம் இசையும் படத்தின் விடியோ போஸ்டரும் வெளியிடப்படும் என்று படத்தின் இசையமைப்பாளர் அனிருத் அறிவித்துள்ளார். இன்று அவருடைய பிறந்தநாள் என்பதால் தர்பார் படத்தின் இசை குறித்த தகவலை வெளியிட்டுள்ளார்.