லிவிங்ஸ்டன் கதாநாயகனாக நடித்து வெற்றி பெற்ற படம் - சுந்தர புருஷன். 1996-ல் வெளியான இந்தப் படத்தின் இரண்டாம் பாகம் விரைவில் உருவாகவுள்ளது.

இந்தப் படத்தில், கதை எழுதி இயக்குவதோடு கதாநாயகனாகவும் நடிக்கவுள்ளார் லிவிங்ஸ்டன். சுந்தர புருஷன் படத்தின் தொடர்ச்சியாக இரண்டாம் பாகம் இருக்காது. 50 வயது ஆண், தன் வயதை விடவும் பாதி வயது கொண்ட பெண்ணைத் திருமணம் செய்யும் கதை தான் 2-ம் பாகமாக வரும். ரசிகர்கள் சிரித்து மகிழும்படி படம் இருக்கும் என்று பேட்டியளித்துள்ளார் லிவிங்ஸ்டன். சுந்தர புருஷன் 2 படத்தின் படப்பிடிப்பு ஜனவரி முதல் தொடங்கவுள்ளது.