தீபாவளிக்கு முன்பு வெளியாகிவிடவேண்டும் என்கிற துடிப்பில் பல தமிழ்ப் படங்கள் அடுத்த ஒன்றரை மாத இடைவெளிக்குள் வெளிவரத் தயாராகிவிட்டன. 

அக்டோபர் 4 அன்று தனுஷ், விஜய் சேதுபதி, ஜி.வி. பிரகாஷ் நடித்த படங்கள் வெளிவரவுள்ளன.

வடசென்னை படத்துக்கு அடுத்ததாக அசுரன் என்கிற படத்தில் தனுஷ் - வெற்றிமாறன் இணைந்துள்ளார்கள். இப்படத்தை தாணு தயாரிக்கிறார். தனுஷுக்கு ஜோடியாக மலையாள நடிகை மஞ்சு வாரியர் நடித்துள்ளார். இசை - ஜி.வி. பிரகாஷ்.

விஜய் சேதுபதி, ராஷி கண்ணா, நிவேதா பெத்துராஜ் நடித்துள்ள படம் - சங்கத் தமிழன். இயக்கம் - விஜய் சந்தர். இவர் இதற்கு முன்பு வாலு, ஸ்கெட்ச் படங்களை இயக்கியுள்ளார். 

தெலுங்கில் நாக சைதன்யா, தமன்னா நடித்த 100% லவ் என்கிற படத்தின் தமிழ் ரீமேக் - 100% காதல். ஜி.வி. பிரகாஷ், ஷாலினி பாண்டே, நாசர், தம்பி ராமையா நடித்துள்ள இப்படத்தை எம்.எம். சந்திரமெளலி இயக்கியுள்ளார். 

ஒரே நாளில் மூன்று முக்கிய நடிகர்களின் படங்கள் வெளிவருவதால் இப்படங்களின் முடிவுகளை ரசிகர்கள் ஆவலுடன் எதிர்பார்க்கிறார்கள்.