சசிகுமார் கதாநாயகனாக நடிக்கும் புதிய படம்

இரு படங்களை மட்டுமே இயக்கியுள்ள சசிகுமார் அதன்பிறகு தொடர்ச்சியாகப் பல படங்களில் கதாநாயகனாக நடித்துவருகிறார். இந்த வருடம் அவர் நடிப்பில் பேட்ட, கென்னடி கிளப் என இரு படங்கள் வெளிவந்துவிட்டன. 

இந்நிலையில் சசிகுமார் நடிப்பில் உருவாகும் புதிய படத்தின் அறிவிப்பு வெளியாகியுள்ளது. சசிகுமார் நடிப்பில் ஜியன் கிருஷ்ணகுமார் இயக்கும் பரமகுரு என்கிற படத்தின் போஸ்டர் வெளியாகியுள்ளது. இந்தப் படத்தில் துப்பறிவாளர் வேடத்தில் சசிகுமார் நடிக்கிறார்.

சசிகுமார் நடிப்பில் இந்த வருடம் - எனை நோக்கி பாயும் தோட்டா, நாடோடிகள் 2 ஆகிய படங்கள் வெளிவரவுள்ளன.