ஹாலிவுட் படத்தில் நடிக்கும் ஜி.வி. பிரகாஷ்!

குறுகிய காலக்கட்டத்தில் ஏராளமான தமிழ்ப் படங்களில் நடித்துள்ள ஜி.வி. பிரகாஷ் தற்போது ஹாலிவுட் படத்தில் நடிக்கத் தயாராகிவிட்டார்.

ரிக்கி புர்செல் இயக்கத்தில் டெல் கணேசன் தயாரிக்கும் டிராப் சிட்டி என்கிற ஹாலிவுட் படத்தில் ஜி.வி. பிரகாஷ் நடிக்கிறார். இதற்கான அறிவிப்பு வெளியாகியுள்ளது. இந்தப் படத்தில் பிராண்டன் டி ஜாக்சன், டென்னிஸ் எல்ஏ ஒயிட் போன்றோர் நடிக்கிறார்கள். 

ஜி.வி. பிரகாஷ் நடிப்பில் சர்வம் தாள மயம், குப்பத்து ராஜா, வாட்ச்மேன், சிவப்பு மஞ்சள் பச்சை ஆகிய படங்கள் இந்த வருடம் வெளிவந்துள்ளன. இதுதவிர இவர் நடிப்பில் 9 படங்கள் உருவாகி வருகின்றன.