சில்லுக் கருப்பட்டி இயக்குநரைப் பாராட்டிய சாய் பல்லவி

கடந்த வருட இறுதியில் வெளியான சில்லுக் கருப்பட்டி படத்தைப் பாராட்டியுள்ளார் நடிகை சாய் பல்லவி.

முத்திரக்கனி, சுனைனா, லீலா சாம்சன், நிவேதிதா சதீஷ், சாரா அர்ஜுன் நடிப்பில் ஹலிதா ஷமீம் இயக்கிய படம் - சில்லுக் கருப்பட்டி. இசை - பிரதீப் குமார். சூர்யாவின் 2டி நிறுவனமும் டிவைன் புரொடக்‌ஷனும் இணைந்து தயாரித்தன.   

இந்நிலையில் இந்தப் படத்தைத் தற்போது பார்த்துள்ள நடிகை சாய் பல்லவி, இயக்குநர் ஹலிதா ஷமீமைப் பாராட்டியுள்ளார். அவர் அனுப்பியுள்ள குறுஞ்செய்தியில் கூறியுள்ளதாவது:

நானும் என் பெற்றோர்களும் படம் பார்த்து மிகவும் உணர்வுபூர்வமானோம். இதமாக உணர வைத்ததற்கு நன்றி. இதுபோன்ற அற்புதங்களை மேலும் நீங்கள் படைக்கவேண்டும் என்று பாராட்டியுள்ளார்.