பிரபல பாடகி ஸ்மிதாவுக்கு கரோனா தொற்று உறுதியாகியுள்ளது.

2000-ம் ஆண்டு ஹாய் ரப்பா ஆல்பம் மூலமாகக் கவனம் ஈர்த்தார் ஸ்மிதா. இதன்பிறகு நிறைய தெலுங்குப் படங்களில் பாடியுள்ளார். சில படங்களில் நடித்துள்ளார். 

இந்நிலையில் தனக்கும் தன்னுடைய கணவருக்கும் கரோனா தொற்று உறுதியானதை அறிவித்துள்ளார் ஸ்மிதா. இதுபற்றி அவர் கூறியதாவது:

நேற்று மோசமான நாள். உடல் நன்றாக வலித்தது. உடற்பயிற்சியினால் அந்த வலி என நினைத்தேன். பாதுகாப்பாக இருக்கட்டும் என கரோனா டெஸ்டை மேற்கொண்டேன். நானும் சஷாங்கும் கரோனா தொற்றால் பாதிக்கப்பட்டுள்ளோம். பெரிய அறிகுறிகள் இல்லை. கரோனாவை விரட்டி, பிளாஸ்மா தானம் செய்யக் காத்திருக்கிறோம். வீட்டில் பாதுகாப்பாக இருந்தோம். அப்படியும் வீட்டுக்குள் கரோனா வந்துவிட்டது என்று கூறியுள்ளார்.