2020-ம் ஆண்டுக்கான உலகின் தலைசிறந்த பெண்களின் பட்டியலில் இயக்குநர் பா. இரஞ்சித்தின் கேஸ்ட்லெஸ் கலெக்டிவ் இசைக்குழுவைச் சேர்ந்த பாடகி இசைவாணி இடம்பிடித்துள்ளார். 

கானா பாடல்களைப் பாடுவதில் கவனம் பெற்றுள்ள இசைவாணி, உலகெங்கிலும் நம்பிக்கையும் ஊக்கமும் அளித்து, நேர்மறையான எண்ணங்களை உருவாக்குபவர்களின் பட்டியலில் இணைந்துள்ளார். அவருக்குக் கிடைத்துள்ள இந்த அங்கீகாரத்துக்குப் பலரும் வாழ்த்துகளைத் தெரிவித்துள்ளார்கள்.

இந்நிலையில் பாடகி இசைவாணியை நேரில் அழைத்து வாழ்த்தியுள்ளார் பிரபல இசையமைப்பாளர் இளையராஜா. இதுபற்றி இசைவாணி, ட்விட்டரில் தெரிவித்ததாவது:

பிபிசியின் தகவல் தெரிந்து இன்று இசைஞானி ஐயா அவர்கள் என்னை அவருடைய இல்லத்தில் அழைத்து வாழ்த்து தெரிவித்த தருணம்... மகிழ்ச்சி என்றார்.