சர்கார் படத்தையடுத்து ரஜினி நடித்துள்ள தர்பார் படத்தை ஏ.ஆர். முருகதாஸ் இயக்கியுள்ளார். இந்தப் படத்துக்கு ஒளிப்பதிவு - சந்தோஷ் சிவன். இசை - அனிருத். தயாரிப்பு - லைகா நிறுவனம். இது ரஜினியின் 167-வது படம்.

ரஜினியின் ஜோடி - நயன்தாரா. இந்தப் படத்தில் காவல் அதிகாரியாக நடித்துள்ளார் ரஜினி. தர்பார் படத்தின் வில்லன் - பாலிவுட் நடிகர் சுனில் ஷெட்டி. தமிழ், ஹிந்தி, தெலுங்கில் நாளை வெளிவரவுள்ளது.

அபூர்வ ராகங்கள் முதல் தர்பார் வரை ரஜினி நடித்த படங்களின் பட்டியலை ரஜினியின் மக்கள் தொடர்பாளர் ரியாஸ் அகமது வெளியிட்டார். இந்தப் பட்டியல் ரஜினி குறித்த கட்டுரைகள், நூல்கள் எழுதுவதற்கு மிகவும் உதவியாக இருக்கும் என அறியப்படுகிறது.