மே 1 அன்று வெளியாகவுள்ள ஜெயம் ரவியின் பூமி!

கோமாளி பட வெற்றிக்குப் பிறகு லக்‌ஷ்மண் இயக்கத்தில் ஜெயம் ரவி நடித்து வரும் படம் - பூமி. ரோமியோ ஜூலியட், போகன் ஆகிய படங்களை லக்‌ஷ்மண் இயக்கியுள்ளார். 

பூமி படத்துக்கு இசை - இமான். ஜெயம் ரவியின் ஜோடியாக நித்தி அகர்வால் நடிக்கிறார். 

பூமி, ஜெயம் ரவியின் 25-வது படம். டிக் டிக் டிக், அடங்க மறு, கோமாளி என ஹாட்ரிக் வெற்றிகளை ஜெயம் ரவி அடைந்துள்ளதால் அடுத்து வரும் அவருடைய படங்கள் மீது அதிக எதிர்பார்ப்பு ஏற்பட்டுள்ளது.

பூமி படத்தின் புதிய போஸ்டர் வெளியாகியுள்ளது. மேலும் இந்தப் படம் மே 1 அன்று வெளியாகும் என்றும் அறிவிக்கப்பட்டுள்ளது.