குக்கூ, ஜோக்கர் படங்களுக்குப் பிறகு இயக்குநர் ராஜு முருகன் இயக்கியுள்ள படம் - ஜிப்ஸி.
ஜீவா, நடாஷா சிங் நடித்துள்ள இப்படத்துக்கு இசை - சந்தோஷ் நாராயணன்.
தணிக்கையில் பல்வேறு சிக்கல்கள் ஏற்பட்டதால் படத்தின் வெளியீடு பலமுறை தள்ளிப் போனது. கடைசியில், ஜிப்ஸி படம் மார்ச் 6-ல் வெளியாகும் என அறிவிக்கப்பட்டுள்ளது.
இந்நிலையில் தணிக்கையால் வெட்டப்பட்ட காட்சிகளின் விடியோக்களைப் படக்குழு வெளியிட்டுள்ளது. இதன்மூலம் படத்துக்குக் கூடுதல் விளம்பரங்கள் கிடைத்துள்ளன.