அட்லி இயக்கத்தில் விஜய் நடித்த படம் மெர்சல். தேனாண்டாள் ஃபிலிம்ஸ் நிறுவனம் தயாரித்தது.

விஜய் - தேனாண்டாள் ஃபிலிம்ஸ் கூட்டணி மீண்டும் இணையவுள்ளது.

தேனாண்டாள் ஃபிலிம்ஸைச் சேர்ந்த முரளி ராமசாமி ஒரு பேட்டியில் கூறியதாவது:

மெர்சல் படம் எங்களுக்கு லாபத்தை அளித்தது. அது தோல்விப் படமல்ல. படம் வெளியாகும் போது சூழல் சரியாக இல்லை. விஜய்யுடன் எனக்கு நல்ல புரிதல் உண்டு. சமீபத்தில் விஜய்யுடன் பேசினேன். சன் பிக்சர்ஸ் தயாரிக்கும் படத்துக்கு அடுத்ததாக இருவரும் இணையும் படம் பற்றி பேசலாம் எனக் கூறினார் என்று பேட்டியளித்துள்ளார்.

மெர்சல் படம் ரூ. 250 கோடிக்கும் அதிகமாக வசூல் செய்து சாதனை படைத்தது. மாஸ்டர் படத்துக்கு அடுத்ததாக சன் பிக்சர்ஸ் தயாரிப்பில் ஏ.ஆர். முருகதாஸ் இயக்கத்தில் விஜய் நடிக்கவுள்ளதாகத் தகவல்கள் வெளியாகியுள்ளன.