இன்ஸ்டகிராம் தளத்தில் பின்தொடர்பவர்களின் எண்ணிக்கையில் இந்திய அளவில் மூன்றாம் இடம் பிடித்துள்ளார் பிரபல பாலிவுட் நடிகை ஷ்ரத்தா கபூர்.

புகைப்படங்கள் மற்றும் விடியோக்களை வெளியிட உகந்த தளமான இன்ஸ்டகிராமில் இந்திய அளவில் விராட் கோலியை அதிக ரசிகர்கள் பின்தொடர்கிறார்கள். இன்ஸ்டகிராமில் கோலியை 82.2 மில்லியன் பேரும் அடுத்ததாக பிரியங்கா சோப்ராவை 58.1 மில்லியன் பேரும் பின் தொடர்கிற நிலையில் 3-ம் இடத்துக்கான போட்டியில் தீபிகா படுகோனைப் பின்னுக்குத் தள்ளியுள்ளார் பிரபல பாலிவுட் நடிகை ஷ்ரத்தா கபூர்.

ஷ்ரத்தா கபூரை 56.4 மில்லியன் பேரும் தீபிகா படுகோனை 52.3 மில்லியன் பேரும் பின்தொடர்கிறார்கள். பிரதமர் மோடியை 49.7 மில்லியன் பேரும் இந்திய முன்னாள் கேப்டன் தோனியை 30.3 மில்லியன் பேரும் சச்சின் டெண்டுல்கரை 27.1 மில்லியன் பேரும் இன்ஸ்டகிராம் தளத்தில் பின்தொடர்கிறார்கள்.