விஜய்யின் மாஸ்டர் பட டீசர்: புதிய சாதனை
மாஸ்டர் டீசருக்கு 2 கோடியே 36 லட்சம் பார்வைகளும் 2 மில்லியன் லைக்ஸும் கிடைத்துள்ளன.
சமீபத்தில் வெளியான விஜய் நடித்துள்ள மாஸ்டர் பட டீசர், யூடியூப் தளத்தில் அதிக லைக்ஸ் பெற்ற டீசர் என்கிற பெருமையைப் பெற்றுள்ளது.
பிகில் படத்துக்குப் பிறகு மாநகரம் பட இயக்குநர் லோகேஷ் கனகராஜ் இயக்கத்தில் நடித்துள்ளார் விஜய். மாஸ்டர் என்று பெயரிடப்பட்டுள்ள இந்தப் படத்துக்கு இசை - அனிருத். விஜய், விஜய் சேதுபதி, மாளவிகா மோகனன், சாந்தனு, ஆண்ட்ரியா, அர்ஜுன் தாஸ் போன்றோர் நடித்துள்ளார்கள்.
கரோனா அச்சுறுத்தல் காரணமாக, திரையரங்குகள் எட்டு மாதங்களாக இயங்கவில்லை. இதனால் மாஸ்டர் படத்தின் வெளியீடு ஒத்திவைக்கப்பட்டுள்ளது.
கடந்த நவம்பர் 14 மாலை 6 மணிக்கு மாஸ்டர் பட டீசர் சமூகவலைத்தளங்களில் வெளியானது.
இந்நிலையில் இந்திய அளவில் அதிக லைக்ஸ் பெற்ற டீசர் என்கிற பெருமையை மாஸ்டர் பட டீசர் பெற்றுள்ளதாக படத்தயாரிப்பு நிறுவனமான எக்ஸ்பி ஃபிலிம் கிரியேடர்ஸ் தகவல் தெரிவித்துள்ளது. தற்போது மாஸ்டர் டீசருக்கு 2 கோடியே 36 லட்சம் பார்வைகளும் 2 மில்லியன் லைக்ஸும் கிடைத்துள்ளன.