ஜி.வி. பிரகாஷ் கதாநாயகனாக நடிக்கும் புதிய படம்

பிரபல இசையமைப்பாளரும் நடிகருமான ஜி.வி. பிரகாஷ் கதாநாயகனாக நடிக்கும் புதிய படம், பூஜையுடன் இன்று தொடங்கியுள்ளது.

நவிரா சினிமாஸ் தயாரிப்பில் அகிலன் இயக்குநராக அறிமுகமாகும் படத்தில் கதாநாயகனாக நடிக்கிறார் ஜி.வி. பிரகாஷ். இன்னும் பெயரிடப்படாத இப்படத்துக்கு அவர் இசையமைக்கவும் செய்கிறார்.

இந்தப் படத்தின் படப்பிடிப்பு பூஜையுடன் இன்று தொடங்கியுள்ளது. சென்னை, ஹைதராபாத், பெங்களூர் ஆகிய நகரங்களில் இப்படத்தின் படப்பிடிப்பு நடைபெறவுள்ளது. 

தான் நடித்துவரும் பேச்சுலர் என்கிற படத்தின் படப்பிடிப்பு சமீபத்தின் நிறைவடைந்ததாக ஜி.வி. பிரகாஷ் சமீபத்தில் ட்விட்டரில் அறிவித்தார். இந்நிலையில் அவர் நடிக்கும் அடுத்த படம் ஆரம்பமாகியுள்ளது.