சமீபத்தில் மறைந்த இயக்குநர் எஸ்.பி. ஜனநாதனின் கடைசிப்படமான 'லாபம்' செப்டம்பர் 9ஆம் தேத் வெளியாகும் என்று அறிவிக்கப்பட்டுள்ளது.

இயற்கை, புறம்போக்கு எனும் பொதுவுடமை, ஈ உள்ளிட்ட படங்களை இயக்கியவர் இயக்குநர் ஜனநாதன். அதனைத் தொடர்ந்து நடிகர்  விஜய் சேதுபதி கதாநாயகனாக நடிக்கும் லாபம் என்கிற படத்தை இயக்கியுள்ளார்.  விஜய் சேதுபதிக்கு ஜோடியாக ஷ்ருதி ஹாசன் நடித்துள்ளார். இசையமைப்பாளர் இமான் இசையமைத்துள்ள இந்தப் படத்தை 7C என்டர்டைன்மெண்ட் நிறுவனம் தயாரித்துள்ளது. 

இதையும் படிக்க | 'தேவர் மகன் 2'வில் விக்ரம் - விஜய் சேதுபதி ?

இந்நிலையில் லாபம் படத்தின் டிரெய்லர் கடந்த வருடம் ஆகஸ்ட் மாதம் வெளியான நிலையில் கடந்த மார்ச் மாதம் இயக்குநர் எஸ்.பி. ஜனநாதன் உடல்நலக்குறைவால் எதிர்பாராதவிதமாக மரணமடைந்தார்.

அதனைத் தொடர்ந்து லாபம் திரைப்படம் வெளியாவதில் சிக்கல் ஏற்பட்டது.  எனினும் தயாரிப்பு நிறுவனம் எஞ்சிய அனைத்துப் பணிகளையும் முடித்து, ஏப்ரல் மாதம் தமிழ் மற்றும் தெலுங்கு ஆகிய மொழிகளில் பிரம்மாண்டமாக வெளியிட உள்ளதாக அறிவித்திருந்தது. 

இதையும் படிக்க | நீச்சல் உடையில் முன்னாள் காதலி: புகைப்படம் பகிர்ந்து சர்ச்சையில் சிக்கிய இயக்குநர்

இந்நிலையில் கரோனா இரண்டாம் அலை பாதிப்பால் படம் வெளியாவதில் தாமதம் ஏற்பட்ட நிலையில் இன்று வெளியாகியுள்ள அறிவிப்பில் செப்டம்பர் 9ஆம் தேதி திரையரங்குகளில் லாபம் திரைப்படம் வெளியாகும் எனப் படக்குழு தெரிவித்துள்ளது.