சிபி சத்யராஜ் நடித்துள்ள கபடதாரி: திரையரங்குகளில் ஜனவரி 28-ல் வெளியீடு!

சிபி சத்யராஜ் நடித்துள்ள கபடதாரி படம் ஜனவரி 28-ல் வெளியாகவுள்ளது.

கவலுதாரி என்கிற கன்னடப் படம் தமிழில் ரீமேக் ஆகியுள்ளது. கபடதாரி என்று பெயரிடப்பட்டுள்ள இந்தப் படத்தில் சிபி சத்யராஜ், நந்திதா ஸ்வேதா போன்றோர் நடித்துள்ளார்கள். இயக்கம் - பிரதீப் கிருஷ்ணமூர்த்தி, இசை - சைமன் கே கிங். தயாரிப்பாளர் - தனஞ்ஜெயன். தணிக்கையில் யு/ஏ சான்றிதழ் பெற்றுள்ளது.

இந்நிலையில் இந்தப் படம் ஜனவரி 28-ல் திரையரங்குகளில் வெளியாகும் என அறிவிக்கப்பட்டுள்ளது. 

மேலும், தைப்பூசத் திருநாளுக்கு நிகழாண்டு (ஜன. 28) முதல் பொது விடுமுறை விடப்படுவதாக முதல்வா் எடப்பாடி கே.பழனிசாமி அறிவித்துள்ளாா். இதற்குப் படக்குழு நன்றி தெரிவித்துள்ளது.