சன் பிக்சர்ஸ் சார்பாக கலாநிதி மாறன் தயாரிப்பில் சூர்யா ஒரு படத்தில் நடித்து வருகிறார். சூர்யாவின் 40வது படமான இதனை, இயக்குநர் பாண்டிராஜ் இயக்குகிறார். டி.இமான் இந்த படத்துக்கு இசையமைக்கிறார். 

ரத்னவேலு இந்தப் படத்துக்கு ஒளிப்பதிவு செய்கிறார். இந்தப் படத்தில் சூர்யாவுக்கு ஜோடியாக டாக்டர் படத்தில் நடித்துள்ள பிரியங்கா மோகன் நடிக்கிறார். மேலும் சத்யராஜ், சரண்யா பொன்வண்ணன், எம்.எஸ்.பாஸ்கர் உள்ளிட்டோர் இந்த படத்தில் முக்கிய வேடங்களில் நடிக்கின்றனர். இந்த படத்தின் ஃபர்ஸ்ட் லுக் தற்போது வெளியாகியுள்ளது. 

நடிகர் சூர்யாவுக்கு நாளை பிறந்த நாள் என்பதால், இந்த முதல் பார்வை மற்றும் மோஷன் போஸ்டர் அவருக்கு பிறந்த நாள் பரிசாக வெளியிடப்பட்டுள்ளது. இந்த படத்துக்கு 'எதற்கும் துணிந்தவன்' எனப் பெயரிடப்பட்டுள்ளது. இந்தப் படத்தின் முதல் பார்வை போஸ்டர் படத்தின் மீதான எதிர்பார்பப்பை இப்பொழுதே அதிகரித்துள்ளது.