கன்னட நடிகர் புனித் ராஜ்குமார் இயக்கும் படத்தை பிரபு தேவாவின் தம்பி நாகேந்திர பிரசாத் இயக்கவுள்ளார். 

தமிழ் சினிமாவின் பிரபலமான நடன இயக்குநர் சுந்தரம். இவருக்கு ராஜூ சுந்தரம், பிரபு தேவா, நாகேந்திர பிரசாத் ஆகிய மூன்று மகன்கள். இதில் பிரபு தேவாவும், ராஜூ சுந்தரமும் நடிகர்கள், நடன இயக்குநர்கள் என்பதைத் தாண்டி திரைப்படங்களையும் இயக்கியுள்ளனர். 

அந்த வரிசையில் நாகேந்திர பிரசாத்தும் இயக்குநராக அறிமுகமாகவுள்ளார். இந்தப் படத்தில் பிரபல கன்னட நடிகரான புனித் ராஜ்குமார் கதாநாயகனாக நடிக்கிறார். இந்தப் படத்தின் துவக்க விழாவில் நடன இயக்குநர் சுந்தரம், பிரபு தேவா, நாகேந்திர பிரசாத், புனித் ராஜ்குமார், நடன இயக்குநர் ஜானி ஆகியோர் கலந்துகொண்டனர். 

அப்போது எடுத்துக்கொண்டப் புகைப்படங்களை ஜானி தனது இன்ஸ்டாகிராம் பக்கத்தில் பகிர்ந்துள்ளார். அதில், ஒரே பாடலுக்கு நடன இயக்குநர் பிரபு தேவா மற்றும் பவர் ஸ்டார் புனித் ராஜ்குமார் ஆகிய இருவருக்கும் நடனமாடவுள்ளனர். இந்தப் பாடலுக்கு நடன வடிவமைப்பதில் மகிழ்ச்சி. இந்தத் தருணத்தில் நடன இயக்குநர் சுந்தரத்தின் ஆசிர்வாதம் எனக்கு கிடைத்தது'' என்று குறிப்பிட்டுள்ளார்.