நடிகர் சிவகார்த்திகேயன் தயாரித்து நடித்துள்ள டான் திரைப்படத்தின் பிரைவேட் பார்ட்டி பாடல் இன்று மாலை வெளியானது.

சிவகார்த்திகேயன் தனது எஸ்கே புரொடக்சன்ஸ் சார்பாக தயாரித்துள்ள டான் திரைப்படத்தை அறிமுக இயக்குநர் சிபி சக்கரவர்த்தி இயக்கியுள்ளார். 

இந்தப் படத்தை சிவகார்த்திகேயன் புரொடக்சன்ஸுடன் இணைந்து லைக்கா நிறுவனமும் தயாரித்துள்ளது. இந்தப்படத்தில் நடிகை பிரியங்கா மோகன் கதாநாயகியாக நடித்துள்ளார். இதுதவிர நடிகர்கள் சூரி, எஸ்.ஜே.சூரியா உள்ளிட்டோர் முக்கியக் கதாபாத்திரத்தில் நடித்துள்ளனர். 

இதையும் படிக்க | இரவின் நிழல் முதல் பாடல்: மே 1-இல் வெளியீடு

இந்நிலையில் இந்தப் படத்தின் மூன்றாவது பாடலான பிரைவேட் பார்ட்டி பாடலை படக்குழுவினர் சனிக்கிழமை வெளியிட்டனர். ஏற்கெனவே ஜலபுல ஜங், பே உள்ளிட்ட இரண்டு பாடல்கள் வெளியாகி ரசிகர்களின் வரவேற்பை பெற்றன என்பது குறிப்பிடத்தக்கது.