விஜய் தேவரகொண்டா நடிப்பில் உருவாகியுள்ள ‘லைகர்’ திரைப்படத்தை புறக்கணிக்க வேண்டும் டிவிட்டர் ரசிகர்கள் கருத்துத் தெரிவித்து வருகின்றனர்.
விஜய் தேவரகொண்டா குத்துச் சண்டை விளையாட்டை அடிப்படையாகக் கொண்ட ’லைகர்’ என்ற படத்தில் நடித்துள்ளார். இந்தப் படத்தை பிரபல தெலுங்கு இயக்குநர் பூரி ஜெகந்நாத் இயக்கியுள்ளார்.
இந்தப் படத்தில் விஜய் தேவரகொண்டாவுக்கு ஜோடியாக அனன்யா பாண்டே நடிக்க, பிரபல குத்துச் சண்டை வீரர் மைக் டைசன், ரம்யா கிருஷ்ணன் உள்ளிட்டோர் முக்கிய வேடங்களில் நடித்துள்ளனர்.
தர்மா புரொடக்சன்ஸ் மற்றும் பூரி கனெக்ட்ஸ் நிறுவனங்கள் தயாரித்துள்ள லைகர் ஹிந்தி, தெலுங்கு, தமிழ், மலையாளம், கன்னடம் மொழிகளில் வருகிற 25 ஆம் தேதி திரைக்குவரவிருக்கிறது.
இந்த நிலையில், சமீபத்தில் பத்திரிகையாளர்கள் சந்திப்பில் கலந்துகொண்ட விஜய் தேவரகொண்டா இருக்கையில் அமர்ந்தபடி மேஜையின் மீது கால்களை விரித்து கேள்விகளுக்கு பதிலளித்தார். தற்போது, இந்த நிகழ்வைப் டிவிட்டரில் பகிர்ந்து பல பாலிவுட் ரசிகர்கள் ‘பாய்காட் லைகர்’(boycot liger) என அப்படத்தை புறக்கணிக்கத் துவங்கியுள்ளனர்.
ஆனால், இதுகுறித்து பேசிய விஜய் தேவரகொண்டா ‘இப்படத்திற்காக 3 ஆண்டுகள் கடுமையாக உழைத்திருக்கிறோம். உண்மையான திறமைசாளிகள் பக்கம் கடவுள் இருப்பார்’ எனத் தெரிவித்துள்ளார்.
முன்னதாக, லால் சிங் சத்தா திரைப்படமும் டிவிட்டரில் புறக்கணிப்பைச் சந்தித்து மிகப்பெரிய தோல்விப்படமாக அமைந்தது குறிப்பிடத்தக்கது.