மிஷன் இம்பாசிபிள் படத்திற்காக மிக ஆபத்தான ஸ்டண்ட் காட்சியில் நடித்த டாம் க்ரூஸின் விடியோவைக் கண்டு கருத்துத் தெரிவித்துள்ளார் நடிகர் சூர்யா.

ஹாலிவுட் நடிகர் டாம் க்ரூஸ்(60) தனக்கான ஸ்டண்ட் காட்சிகளில் தானே நடிக்கக் கூடியவர். 

இவர் நடிப்பில் வெளியான 'டாப் கன்’,  ‘மிஷன் இம்பாசிபிள்’ உள்ளிட்ட படங்களில் சில ஆபத்தான சண்டைக் காட்சிகளில் மாற்று (டூப்) இல்லாமல் இவரே நடித்திருந்தார்.

இதையும் படிக்க: பாரதிராஜாவுடன் நடிக்க ஆர்வமாக உள்ளேன்: அதிதி பாலன்

இந்நிலையில், டாம் க்ருஸ் மிஷன் இம்பாசிபிள் திரைப்படத்தின் அடுத்த பாகத்திற்காக இருசக்கர வாகனத்துடன் மலையிலிருந்து கீழே குதிக்கும் மிக ஆபத்தான ஸ்டண்ட் காட்சியில் நடித்து அதன் மேக்கிங் விடியோவைப் பகிர்ந்திருந்தார். அதனைக் கண்ட பலரும் ஆச்சரியத்தில் டாம் க்ரூஸைப் பாராட்டி வருகின்றனர்.

நடிகர் சூர்யாவும் அந்த விடியோவைப் பகிர்ந்து ‘ஆஹா...நம்பவே முடியலை’ எனத் தெரிவித்துள்ளார்.