நடிகர் அல்லு அர்ஜுன் கதாநாயகனாக நடித்த புஷ்பா திரைப்படம் கடந்த வருடம் டிசம்பர் 17 ஆம் தேதி வெளியாக நல்ல வரவேற்பை பெற்றது. குறிப்பாக வட இந்தியாவில் இந்தப் படம் நல்ல வசூலைப் பெற்றது. 

ஹிந்தி ரசிகர்கள் இந்தப் படத்தைக் கொண்டாடி வருகின்றனர். இன்ஸ்டாகிராம் ரீல்ஸில் ரசிகர்கள் இந்தப் படத்தின் பாடல்களுக்கு நடனமாடி விடியோ பகிர்ந்து வருகின்றனர். குறிப்பாக ராஷ்மிகா பாணியில் சாமி பாடலுக்கு ரசிகர்கள் நடனமாடி விடியோ பகிர்ந்து வருகின்றனர். 

இதையும் படிக்க | மாறனுக்காக இணைந்த அசுரன் கூட்டணி - தனுஷ் பாடிய முதல் பாடலை அறிவித்த ஜி.வி.பிரகாஷ்​

இந்த நிலையில் பிரபல கிரிக்கெட் வீரர் ரவீந்திர ஜடேஜா தனது இன்ஸ்டாகிராம் பக்கத்தில் புஷ்பா பட அல்லு அர்ஜுன் தோற்றத்தில் இருக்கும் புகைப்படத்தை பகிர்ந்துள்ளார். முன்னதாக புஷ்பா பட வசனத்தை அல்லு அர்ஜுன் பாணியில் பேசும் விடியோவை பகிர்ந்திருந்தார்.