வெங்கட் பிரபு இயக்கத்தில் அசோக் செல்வன் நடிக்கும் மன்மத லீலை - அதிகாரப்பூர்வ அறிவிப்பு

மாநாடு படம் வெளிவரும் முன்பே இயக்குநர் வெங்கட் பிரபு, அசோக் செல்வன் நாயகனாக நடிக்கும் படத்தை இயக்கியிருந்தார். முழுக்க முழுக்க காதல் படமாக இந்தப் படம் உருவாகியிருந்தது. 

இந்தப் படம் குறித்த அதிகாரப்பூர்வ அறிவிப்பு தற்போது வெளியாகியுள்ளது. இந்தப் படத்துக்கு பிரேம்ஜி இசையமைக்கிறார். இந்தப் படத்தை வெங்கட் பிரபுவின் பிளாக் டிக்கெட் கம்பெனி மற்றும் ராக்ஃபோர்ட் எண்டர்டெயின்மென்ட் நிறுவனம் இணைந்து தயாரித்துள்ளன. 

இதையும் படிக்க | கமல்ஹாசனுடன் கைகோர்க்கும் சிவகார்த்திகேயன் - இயக்குநர் இவரா ?

மன்மதலீலை என்று பெயரிடப்பட்டுள்ள இந்தப் படம் தெலுங்கில் மன்மதலீலா என்ற பெயரில் வெளியாகவிருக்கிறது. இந்தப் படத்தில் சம்யுக்தா ஹெக்டே, ஸ்மிருதி வெங்கட் உள்ளிட்டோர் முக்கிய வேடங்களில் நடித்துள்ளனர். இந்தப் படத்துக்கு தமிழ் அழகன் ஒளிப்பதிவு செய்துள்ளார்.