பாலா இயக்கத்தில் சூர்யாவின் 41வது படத்திற்கு 'வணங்கான்' என பெயர் வைக்கப்பட்டுள்ளது. 

நடிகர் சூர்யா எதற்கும் துணிந்தவன் படத்தை அடுத்து இயக்குனர் பாலா இயக்கத்தில் நடித்து வருகின்றார். நந்தா, பிதாமகன் படத்தை தொடர்ந்து இந்த கூட்டணி மூன்றாவது முறையாக இணைந்துள்ளது. இந்தப் படத்தில் சூர்யாவுக்கு ஜோடியாக க்ரித்தி ஷெட்டி நடிக்கவிருக்கிறார். 

இதையும் படிக்க- ரன்பீர் கபூரின் சிக்ஸ் பேக் ரகசியம் 

ஜோதிகாவுடன் இணைந்து சூர்யா தனது 2டி எண்டர்டெயின்மென்ட் சார்பாக தயாரிக்கிறார். படத்துக்கு ஜி.வி.பிரகாஷ் குமார் இசையமைக்க, பாலசுப்ரமணியம் ஒளிப்பதிவு செய்கிறார். படத்தின் படப்பிடிப்பு கடந்த மார்ச் 28 பூஜையுடன் துவங்கியது. 

இந்த படத்திற்கு சூர்யா 41 என தற்காலிகமாக பெயரிடப்பட்டிருந்தது. இந்த நிலையில் இயக்குநர் பாலாவின் பிறந்த நாளை முன்னிட்டு படத்தின் தலைப்பை படக்குழு இன்று வெளியிட்டுள்ளது. அதில், படத்திற்கு 'வணங்கான்' என பெயர் வைக்கப்பட்டுள்ளதாக அறிவிக்கப்பட்டுள்ளது.