ஆங்கில இணையத் தொடரானா மிஸ் மார்வெல் தொடரில் ரஜினிகாந்த்தின் லிங்கா படத்தின் ஓ நண்பா பாடல் இடம்பெற்றுள்ளது.
மிஸ் மார்வெல் என்ற இணையத் தொடர் கடந்த சில நாட்களுக்கு முன்பு டிஸ்னி பிளஸ் ஹாட்ஸ்டார் ஓடிடி தளத்தில் நேரடியாக வெளியாகி நல்ல வரவேற்பை பெற்றுவருகிறது.
இதையும் படிக்க | நினைவலைகள்: கிரேஸி மோகனைப் பற்றி பிரபலங்கள்
இந்தத் தொடரில் ஒரு பகுதியில் காட்சிக்கு பின்னணியில் லிங்கா படத்தில் இடம்பெற்ற ஓ நண்பா பாடல் ஒலிக்கிறது. ஏ.ஆர்.ரஹ்மான் இசையமைத்திருந்த இந்தப் பாடலை எஸ்.பி.பாலசுப்ரமணியம் பாடியிருந்தார் என்பது குறிப்பிடத்தக்கது.
பாடலை பயன்படுத்தியதற்காக ரஹ்மான் மற்றும் எஸ்.பி.பாலசுப்ரமணியத்திற்கு நன்றி தெரிவிக்கப்படுகிறது. இதனை ரஜினிகாந்த் மற்றும் ஏ.ஆர்.ரஹ்மான் ரசிகர்கள் சமூக வலைதளங்களில் விடியோவாக பகிர்ந்து கொண்டாடிவருகின்றனர்.