திருச்சிற்றம்பலம் படத்தின் முதல் பாடல் வருகிற ஜூன் 24 ஆம் தேதி வெளியாகவுள்ளதாக அறிவிக்கப்பட்டுள்ளது.
யாரடி நீ மோகினி, குட்டி, உத்தமவில்லன் படங்ளுக்கு பிறகு தனுஷ் - இயக்குநர் மித்ரன் ஜவஹர் 4வது முறையாக இணைந்துள்ள படம் திருச்சிற்றம்பலம். இந்தப் படத்தில் தனுஷுடன் பாரதிராஜா, பிரகாஷ் ராஜ், பிரியா பவானி ஷங்கர், நித்யா மேனன், ராஷி காண்ணா உள்ளிட்டோர் நடிக்கின்றனர்.
சன் பிக்சர்ஸ் தயாரிக்கும் இந்த படத்தில் 7 ஆண்டுகளுக்கு பிறகு தனுஷ் - இசையமைப்பாளர் அனிருத் இணைந்து பணியாற்றுகின்றனர். இதனால் இந்தப் படத்தின் பாடல்கள் மீதான எதிர்பார்ப்பு ரசிகர்களிடையே அதிகரித்துள்ளது. இந்த நிலையில் முதல் பாடல் வருகிற ஜூன் 24 ஆம் தேதி வெளியாகவுள்ளதாக அறிவிக்கப்பட்டுள்ளது.
இதையும் படிக்க | வெளியானது நடிகர் விஜய்யின் வாரிசு 3வது போஸ்டர்
ஓம் பிரகாஷ் ஒளிப்பதிவு செய்துள்ளார். இந்தப் படத்துக்கு தனுஷ் கதை, திரைக்கதை, வசனம் எழுதியுள்ளதாக கூறப்படுகிறது. திருச்சிற்றம்பலம் திரைப்படம் வருகிற ஆகஸ்ட் 18 ஆம் தேதி திரையரங்குகளில் வெளியாகவுள்ளது.