விஜய் சேதுபதி மற்றும் இயக்குநர் மணிகண்டன் இணைந்து தயாரித்துள்ள கடைசி விவசாயி, கடந்த பிப்ரவரி 11 ஆம் தேதி வெளியாகி விமர்சன ரீதியாக நல்ல வரவேற்பை பெற்றது. மணிகண்டன் இயக்கியிருந்த இந்தப் படத்தில் விஜய் சேதுபதி சிறப்பு தோற்றத்தில் நடித்திருந்தார். 

சந்தோஷ் நாராயணன் இந்தப் படத்தின் பாடல்களுக்கு இசையமைக்க, ரிச்சர்டு ஹார்வி பின்னணி இசையமைத்துள்ளார். இந்தப் படத்துக்கு இயக்குநர் மணிகண்டனே ஒளிப்பதிவு செய்துள்ளார். இந்தப் படத்துக்கு விமர்சன ரீதியாக பாராட்டுகள் குவிந்து வருகிறது. 

இதையும் படிக்க | படப்பிடிப்புக்கு நடுவே மாணவர்கள் மத்தியில் பேசிய சிவகார்த்திகேயன்: ''சினிமாவில் நடிக்கிறது...''​

இந்த நிலையில் இந்தப் படம் வருகிற 11 ஆம் தேதி சோனி லிவ் ஓடிடி தளத்தில் வெளியாகியுள்ளதாக அறிவிக்கப்பட்டுள்ளது. தற்போதைய விவசாயிகளின் நிலையை இந்தப் படம் யதார்த்தமாக பதிவு செய்துள்ளது. திரையரங்குகளில் அதிகம் கவனம் பெறமால் போன இந்தப் படம் ஓடிடியில் நல்ல வரவேற்பை பெறும் என எதிர்பார்க்கப்படுகிறது.