நடிகர் விஜய்யின் பீஸ்ட் படத்தின் அடுத்த பாடல் குறித்த புதிய அப்டேட் வெளியாகியுள்ளது.

சன் பிக்சர்ஸ் தயாரித்துள்ள பீஸ்ட் திரைப்படம் வருகிற ஏப்ரல் 14 ஆம் தேதி திரைக்கு வரவிருக்கிறது. இந்தப் படத்துக்கு பிறகு இயக்குநர் நெல்சன், நடிகர் ரஜினிகாந்த்தின் படத்தை இயக்கவிருப்பதால் பீஸ்ட் படத்தை விஜய் ரசிகர்கள் மட்டுமல்லாது ரஜினி ரசிகர்களும் எதிர்பார்த்து காத்திருக்கின்றனர். 

இதையும் படிக்க | குலுகுலு: நடிகர் சந்தானத்துடன் இணையும் இயக்குநர் ரத்னகுமார்

கடந்த சில தினங்களுக்கு முன் வெளியான பீஸ்ட் திரைப்படத்தின் அரபிக் குத்து பாடல் மிகுந்த வரவேற்பைப் பெற்றுள்ளது. ரசிகர்கள் பலரின் விருப்பத்தைப் பெற்ற இந்தப் பாடலின் வெற்றியைத் தொடர்ந்து அடுத்த பாடல் குறித்த அப்டேட்டை படக்குழு புதன்கிழமை வெளியிட்டது.

நடிகர் விஜய் பாடியுள்ள ஜாலியானோ ஜிம்கானா பாடலானது மார்ச் 19ஆம் தேதி வெளியாகும் எனத் தெரிவிக்கப்பட்டுள்ளது. இந்தப் பாடலை பாடலாசிரியர் கு.கார்த்திக் பாடல் எழுதியுள்ளார்.