செய்தி வாசிப்பாளரும் தொலைக்காட்சித் தொகுப்பாளருமான அனிதா சம்பத், பிக் பாஸ் 4 நிகழ்ச்சியில் கலந்துகொண்டு ரசிகர்களின் கவனத்தைப் பெற்றார். தற்போது படங்களிலும் நடித்து வருகிறார். விமல் நடித்து வரும் தெய்வ மச்சான் படத்தில் அனிதா சம்பத் முக்கிய வேடத்தில் நடிக்கிறார். 

இந்நிலையில் சமீபத்தில் சொந்த வீடு வாங்கியது குறித்து இன்ஸ்டகிராமில் பதிவு எழுதியுள்ளார் அனிதா சம்பத். அதில் அவர் கூறியதாவது:

கடைசியாக. வீடு எப்போதுமே எங்க ரெண்டு பேருக்கும் மிக பெரிய கனவு. வாடகை வீட்டுலயே நல்ல வீடு கிடைக்காதா... பெட்ரூம் வச்ச வீட்டுக்குப் போக மாட்டோமானு ஏங்குன காலம் எல்லாம் இருக்கு... ஓட்டு வீட்டுல பிறந்து வளர்ந்த பிரபாக்கும் அதே தான். இன்னக்கி எங்களுக்குப் பிடிச்ச மாதிரி எங்களுக்காக ஒரு வீடு. நிறைய வலிகளும் நிறைய உழைப்பும் நிறைய மெனக்கெடல்களும் கடந்து அன்னையர் தினம் அன்று எங்கள் அன்னையர்களுக்காக அவர்களின் சொந்த வீட்டுக் கனவை நினைவாக்கி விட்டோம். நம்ம எல்லார் வாழ்க்கையும் ஒருநாள் நமக்கு பிடிச்ச மாதிரி மாறும். இப்ப அதை இன்னும் வலிமையா நம்புறேன். இதை படிக்கிற நீங்க எல்லாருமே சீக்கிரம் வீடு வாங்குவீங்க. எங்க சார்பா அதற்கான வாழ்த்துகள் என்றார்.