விக்ரம் திரைப்பட பாடல் வெளியீட்டு விழாவில் 'மைக் வேண்டாம் அதன் மீது நம்பிக்கையில்லை' என்று மேடையில் இருந்த மைக்கில் நடிகர் பார்த்திபன் பேசினார். 

'இரவின் நிழல்' திரைப்படத்தின் இசை அறிமுக நிகழ்ச்சியில் நடிகர் பார்த்திபன் கோபமடைந்து மைக்கை தூக்கி எறிந்த விடியோ குறித்து சர்ச்சைகள் எழுந்த நிலையில், அவர் இவ்வாறு செய்துள்ளார். 

படிக்க | ரஜினியைப் போல மு.க.ஸ்டாலின்: கமல்ஹாசன் பேச்சு

இயக்குநர் லோகேஷ் கனகராஜ் இயக்கத்தில், கமல்ஹாசன் நடிப்பில் உருவான விக்ரம் திரைப்படத்தின் இசைவெளியீட்டு விழா சென்னையில் நேற்று (மே 15) நடைபெற்றது. 

இதில் நடிகர் பார்த்திபன் கலந்துகொண்டார். நிகழ்ச்சியின்போது நடிகர் பார்த்திபனை பேச அழைத்தபோது அவருக்கு அளிக்கப்பட்ட மைக்கை பார்த்திபன் மறுத்துவிட்டார். 'மைக் வேண்டாம் அதன் மீது நம்பிக்கையில்லை' எனக் கூறிவிட்டு, மேடையில் இருந்த நிலையான மைக்கில் அவர் பேசினார். 

சிறிய சிறிய செயல்களை சுவாரசியமாக செய்யும் பார்த்திபனின் இந்த செயல் அரங்கத்தில் சிரிப்பலைகளை ஏற்படுத்தி பலரை வெகுவாக கவர்ந்தது.