கமல்ஹாசன் தொகுத்து வழங்கவிருக்கும் பிக்பாஸ் 6 நிகழ்ச்சியின் ப்ரமோவை விஜய் தொலைக்காட்சி வெளியிட்டுள்ளது.
தெலுங்கு பிக்பாஸ் சமீபத்தில் துவங்கிய நிலையில் தமிழ் பிக்பாஸ் எப்பொழுது என ரசிகர்கள் கேள்விகள் எழுப்பிய வண்ணம் இருந்தனர். குறிப்பாக இந்த சீசனை யார் தொகுத்து வழங்கப்போகிறார்கள் என்ற எதிர்பார்ப்புதான் ரசிகர்களிடையே முதன்மையாக இருந்தது.
காரணம் பிக்பாஸ் அல்டிமேட் நிகழ்ச்சியில் இருந்து கமல் பாதியில் வெளியேற சிம்பு தொகுத்து வழங்கினார். இதற்கெல்லாம் விளக்கம் அளிக்கும் வகையில் விஜய் டிவி ப்ரமோவை வெளியிட்டுள்ளது.
அதில் காடு போன்று வடிவமைக்கப்பட்ட அரங்கில் தோன்றும் கமல் தனக்கே உரிய பாணியில் வேட்டைக்கு தயாரா என்ற கேள்வி எழுப்புகிறார். கிட்டத்தட்ட விக்ரம் படத்தில் அவர் ஆரம்பிக்கலாங்களா என சொல்வது போல இருக்கிறது அவரது முகபாவனை.
விக்ரம் படத்தின் மாபெரும் வெற்றிக்கு பிறகு கமல்ஹாசன் தொகுத்து வழங்கவிருப்பதால் பிக்பாஸ் மீது மிகப் பெரிய எதிர்பார்ப்பு உருவாகியுள்ளது. பிக்பாஸ் நிகழ்ச்சியில் போட்டியாளர்களாக நடிகர் கார்த்திக் குமார், தொகுப்பாளர் திவ்யதர்ஷினி, நடிகை ஸ்ரீநிதி, தொகுப்பாளர் ரக்சன், பாடகி ராஜலெட்சுமி, நடிகை தர்ஷா குப்தா, ஷில்பா மஞ்சுநாத் போன்றவர்கள் கலந்துகொள்ளவிருப்பதாக தகவல் கிடைத்துள்ளது.
தினமணி செய்திமடலைப் பெற... Newsletter
தினமணி'யை வாட்ஸ்ஆப் சேனலில் பின்தொடர... WhatsApp
தினமணியைத் தொடர: Facebook, Twitter, Instagram, Youtube, Telegram, Threads
உடனுக்குடன் செய்திகளை அறிய தினமணி App பதிவிறக்கம் செய்யவும்.