நடிகர் அஜித் ஹெலிஹாப்டரில் ஏறி செல்லும் விடியோ சமூக வலைதளங்களில் வைரலாகிவருகிறது. 

நடிகர் அஜித் குமார் தற்போது வினோத் இயக்கத்தில் ஏகே 61 என தற்காலிகமாக பெயரிடப்பட்டுள்ள படத்தில் நடித்துவருகிறார். இந்தப் படத்தில் அவருக்கு ஜோடியாக மஞ்சு வாரியர் நடிக்கிறார். ஜிப்ரான் இசையமைக்கிறார். 

போனி கபூர் தயாரிப்பில் உருவாகிவரும் ஏகே 61 வருகிற தீபாவளிக்கு வெளியாகும் என முதலில் கூறப்பட்டது. தீபாவளிக்கு இன்னும் ஒரு மாதமே உள்ள நிலையில் இந்தப் படத்திலிருந்து எந்தத் தகவலும் இதுவரை வெளியாகவில்லை. இதன் காரணமாக இந்தப் படத்தின் வெளியீடு டிசம்பருக்கு தள்ளிப்போகலாம் என்று கூறப்படுகிறது. 

இதையும் படிக்க |  பொன்னியின் செல்வனுக்காக மணிரத்னம் அளித்த வாய்ப்பை நிராகரித்த அமலா பால் - வெளியான காரணம் 

அவ்வப்போது நடிகர் அஜித் பைக் பயணம் செல்லும் புகைப்படங்கள், துப்பாக்கி சுடும் போட்டியில் கலந்துகொண்ட புகைப்படங்கள், ரசிகர்களுடன் எடுத்துக்கொண்ட புகைப்படங்கள் தான் சமூக வலைதளங்களில் வைரலாகி  அப்டேட் இல்லாமல் கவலையில் இருக்கும் அவரது ரசிகர்களுக்கு ஆறுதல் அளித்துவருகின்றன. 

இந்த நிலையில் தற்போது ஹெலிஹாப்டரில் அஜித் ஏறி செல்லும் விடியோ ஒன்று சமூக வலைதளங்களில் வைரலாகிவருகிறது. ஹெலிஹாப்டர் மூலம்  அவர் ஏகே 61 படப்பிடிப்பு தளத்துக்கு செல்லவிருப்பதாக கூறப்படுகிறது.