வதந்திக்கு புகைப்படம் மூலம் பதிலளித்த தனுஷ் பட நாயகி

தனுஷ் தற்போது வாத்தி படத்தில் நடித்து வருகிறார். இந்தப் படம் தெலுங்கில் 'சார்' என்ற பெயரில் உருவாகிறது. பிரபல தெலுங்கு இயக்குநர் வெங்கட் அட்லுரி இந்தப் படத்தை இயக்கி வருகிறார். 

இந்தப் படத்தில் தனுஷுக்கு ஜோடியாக சம்யுக்தா மேனன் நடிக்கிறார். இதன் ஒரு பகுதியாக சம்யுக்தா வாத்தி படத்தில் இருந்து தனிப்பட்ட காரணங்களுக்காக வெளியேறியதாக தகவல் வெளியாகியிருந்தது.

இதையும் படிக்க | இயக்குநர் சசியின் 'நூறு கோடி வானவில்': வெளியான விடியோ

இந்த நிலையில் சம்யுக்தா தனது ட்விட்டர் பக்கத்தில், புகைப்படம் பகிர்ந்து வாத்தி படத்தில் இன்று (புதன்கிழமை) தனக்கான காட்சிகள் படமாக்கப்பட்டு வருவதாக குறிப்பிட்டுள்ளார். இதன் மூலம் தான் படத்தில் இருந்து வெளியேறியதாக உருவான வதந்திக்கு அவர் முற்றுப்புள்ளி வைத்துள்ளார்.