ஆமிர் கான் பட டிரைலர்: நாக சைதன்யா ரசிகர்கள் வருத்தம்

நாக சைதன்யா பாலிவுட்டில் அறிமுகமாகி ஆமிர் கான் உடன்  நடித்த முதல் திரைப்படமான ‘லால் சிங் சத்தா’ ட்ரெய்லர் வெளியானது. நாக சைதன்யா டிரைலரில் மிகக் குறைவான காட்சிகளே வருவதால் ரசிகர்கள் வருத்தம் தெரிவித்துள்ளனர். 

ஆமிர் கான் படத்தை தயாரித்து நடித்துள்ளார். அத்வைத் சந்தன் இயக்கியுள்ளார்.

‘ஃபாரஸ்ட் கம்ப்’ (Forrest Gump) என்ற நாவலை தழுவி அதே பெயரில் வெளியான திரைப்படத்தின் ரீமேக் தான் 'லால் சிங் சத்தா'. கடந்த 2019-இல் இந்த படத்தின் படப்பிடிப்பு தொடங்கப்பட்டது. அதுல் குல்கர்னி இந்த படத்திற்கு திரைக்கதை எழுதி உள்ளார். இதில் ஆமிர் கான், நாக சைதன்யா, கரீனா கபூர் ஆகியோர் நடித்துள்ளனர். ஷாருக் கான் கௌரவத் தோற்றத்தில் நடித்துள்ளார் என்பதும் குறிப்பிடத்தக்கது. 

‘மஜிலி' படப்புகழ் நாக சைதன்யா டிரைலரில் 3,4 காட்சிகளே வருவதால் இன்னும் கூடுதலான நேரம் திரையில் வந்திருக்க வேண்டுமென ரசிகர்கள் வருத்தம் தெரிவித்துள்ளனர். இப்படம் ஆகஸ்ட் 11இல் வெளியாக இருக்கிறது.

படத்தின் டிரைலரைக் காண: