வாரிசு படப்பிடிப்பு நிறுத்தம்: என்ன காரணம்?

‘வாரிசு’ திரைப்படத்தின் படப்பிடிப்பு நிறுத்தி வைக்கப்பட்டுள்ளதாக தகவல் வெளியாகியுள்ளது.

நடிகர் விஜய் தற்போது தெலுங்கு இயக்குநர் வம்சி இயக்கத்தில் வாரிசு படத்தில் நடித்துவருகிறார். இந்தப் படத்தை ஸ்ரீ வெங்கடேஸ்வரா சினி கிரியேஷன்ஸ் சார்பாக தில் ராஜு தயாரிக்கிறார். 

விஜய்க்கு ஜோடியாக ராஷ்மிகா மந்தனா நடிக்க, ஷாம், சரத்குமார், குஷ்பு, தெலுங்கு நடிகர் ஸ்ரீகாந்த், சங்கீதா உள்ளிட்டோர் முக்கிய வேடங்களில் நடித்து வருகின்றனர். தமன் இந்தப் படத்துக்கு இசையமைப்பில் விஜய் ஒரு பாடல் பாடியுள்ளதாக தகவல் வெளியாகியுள்ளது. 

இதையும் படிக்க: நடிகரின் போலி முகநூல் பக்கம் மூலம் பிரதமர் குறித்து அவதூறு: உண்மையில் நடந்தது என்ன ?

இந்நிலையில், வேகமாக நடைபெற்று வரும் படப்பிடிப்பின்போது இயக்குநர் வம்சிக்கு திடீர் உடல்நலக்குறைவு ஏற்பட்டதால் அவர் மருத்துவமனையில் அனுமதிக்கப்பட்டுள்ளார்.

இதனால், ஒரு வாரத்திற்கு ‘வாரிசு’ படப்பிடிப்பு நிறுத்தி வைக்கப்பட்டுள்ளதாகவும் அதன் காரணமாக நடிகர் விஜய் ஹைதராபாத்திலிருந்து சென்னை திரும்பியுள்ளதாகவும் தகவல் வெளியாகியுள்ளது.