லியோ படத்தில் விஜய் பாடிய நா ரெடி பாடல் 10 கோடி பார்வைகளைக் கடந்துள்ளது.

விக்ரம் படத்தின் வெற்றிக்குப் பிறகு இயக்குநர் லோகேஷ் கனகராஜ் நடிகர் விஜய்யுடன் லியோ படத்தில் இணைந்துள்ளார். இதில் த்ரிஷா,  சஞ்சய் தத், அர்ஜூன், மிஷ்கின், சஞ்சய் தத், கௌதம் மேனன் உள்ளிட்ட பல பிரபலங்கள் இணைந்துள்ளனர்.

இப்படம் வெளியீட்டிற்கு முன்பே ஓடிடி, இசை உரிமம், விநியோக உரிமம் என ரூ.350 கோடி ரூபாய்க்கு மேல் வருவாய் ஈட்டியுள்ளதாகவும் கூறப்படுகிறது. லியோ படம் இந்தாண்டு அக்டோபர் மாதம் திரைக்கு வருகிறது.  இப்படத்திற்கு அனிருத் இசையமைக்கிறார்.

இதையும் படிக்க | அர்ஜுன் பிறந்தநாள்: லியோ கிளிம்ஸ் விடியோ வெளியீடு

லியோ படத்தில் விஜய் பாடிய 'நா ரெடி' பாடல் கடந்த ஜூன் 22-ல் வெளியாகி ரசிகர்களின் வரவேற்பை பெற்றது.

இந்நிலையில், யூடியூபில் ‘நா ரெடி’ பாடல் 10 கோடி பார்வைகளை கடந்து சாதனை படைத்துள்ளது.