அருண் மாதேஸ்வரன் இயக்கும் கேப்டன் மில்லர் படத்தில் தனுஷ் நடித்துள்ளார். சத்ய ஜோதி ஃபிலிம்ஸ் தயாரிக்கும் இந்தப் படத்துக்கு ஜி.வி.பிரகாஷ் குமார் இசையமைக்கிறார்.  

கதாநாயகியாக பிரியங்கா மோகன் நடிக்க, முக்கிய வேடத்தில் சந்தீப் கிஷன் மற்றும் கன்னட சூப்பர் ஸ்டார் சிவராஜ் குமார் ஆகியோர் நடித்துள்ளனர்.

நடிகர் தனுஷின் 40-வது பிறந்தநாளை முன்னிட்டு  கேப்டன் மில்லர் படத்தின் டீசரை படக்குழு சமீபத்தில் வெளியிட்டிருந்தனர். அதிரடி காட்சிகளால் நிறைந்துள்ள டீசர் ரசிகர்களிடையே வரவேற்பைப் பெற்றது. 

இதையும் படிக்க: புஷ்பா - 2 வெளியீடு எப்போது?

இப்படம் திரைக்கு வருவதற்கு முன்பே, மீண்டும் தனுஷ் - அருண் மாதேஸ்வரன் கூட்டணி இணைய உள்ளதாக அறிவிப்பு வெளியானது. இப்படத்தை தனுஷின் உண்டர்பார் கிரியேஷன்ஸ் நிறுவனம் தயாரிக்கிறது. 

இந்நிலையில், இப்படம் ரூ.150 கோடியில் உருவாக உள்ளதாக தகவல் வெளியாகியுள்ளது.