தமிழில் விஜய்யை வைத்து பிகில், மெர்சல், தெறி என்று மூன்று சூப்பர் ஹிட் படங்களை இயக்கிய அட்லி, ஷாருக்கானின் ஜவான் படத்தின் மூலம் ஹிந்தியில் இயக்குநராக அறிமுகமாகிறார். அனிருத் இசையமைக்கும் இப்படத்தில், நயன்தாரா, விஜய் சேதுபதி உள்ளிட்டோர் நடித்துள்ளனர்.

இந்த படம் செப்டம்பர் 7-ஆம் தேதி வெளியாகவுள்ள நிலையில், இதன் ஓடிடி, இசை மற்றும் திரையரங்க வெளியீட்டு உரிமம் ஆகியவை ரூ.400 கோடிக்கும் மேல் விற்கப்பட்டதாக கூறப்படுகிறது.

இதையும் படிக்க | ரத்தமாரே ரத்தமாரே...: விக்னேஷ் சிவன் பகிர்ந்த குடும்ப புகைப்படங்கள்! 

அனிருத் இசையில் ஏற்கனவே இரண்டு பாடல்கள் வெளியாகி நல்ல வரவேற்பினை பெற்றுள்ளது. இந்நிலையில் 3வது பாடலான ‘நாட் ராமையா வஸ்தாவையா’ பாடல் நாளை வெளியாகுமென படக்குழு அறிவித்துள்ளது. 

இதையும் படிக்க | இயக்குநராக அறிமுகமாகும் நடிகர் விஜய்யின் மகன் சஞ்சய்!

1955இல் வெளியான ஸ்ரீ 420 எனும் ஹிந்திப் படத்தில் ராமய்யா வஸ்தாவய்யா பாடல் மிகவும் பிரபலமானது குறிப்பிடத்தக்கது. 

மேலும் ஆக. 30ஆம் நாள் சென்னையில் உள்ள தனியார் கல்லூர் ஒன்றில் ஜவான் படத்தின் இசை வெளியீட்டு விழா நடைபெறவுள்ளதாக தகவல் வெளியாகியுள்ளது.