பல்வேறு திரைப்படங்களிலும் தொடர்களிலும் நடித்து புகழ் பெற்ற நடிகர் மதுரை மோகன் உடல் நலக்குறைவால் இன்று (டிச. 10) காலமானார். 

தமிழில் முண்டாசுப்பட்டி, ரஜினி முருகன், வீரன் உள்ளிட்ட படங்களில் நடித்ததன் மூலம் கவனம் பெற்றவர் நடிகர் மதுரை மோகன். 

அதோடு விஜய் தொலைக்காட்சியில் ஒளிபரப்பான ஈரமான ரோஜாவே போன்ற தொடர்களிலும் நடித்துள்ளார். 

தமிழ் சினிமாவில் 40 ஆண்டுகளுக்கும் மேலாக பணியாற்றியவர். பல்வேறு படங்களில் சிறுசிறு வேடங்களில் நடித்துள்ளார். 

மதுரையைச் சேர்ந்த இவர், உடல் நலக்குறைவால் சென்னை ஓமந்தூரார் மருத்துவமனையில் சிகிச்சைக்காக அனுமதிக்கப்பட்டிருந்தார். இந்நிலையில், இன்று காலை சிகிச்சை பலனின்றி உயிரிழந்தார். 

மதுரை மோகன் மறைவுக்கு சினிமா மற்றும் சின்னத்திரையை சேர்ந்த பலர் இரங்கல் தெரிவித்து வருகின்றனர்.